Poème d'Eric Jaofera - zafipaladia de Rainizafimanga
 |
 |
| LAVIKO RAHA NY TENY HAFA INDRAY Fredy JAOFERA |
|
TOKY
FITAKA
Ahoana
moa no inoako Fa
tia dia tia ianao Ra’mandratra
itony foko Sy
mandentika ahy no atao ?
Ahoana
no atokisako Fa
ianao no fenomanako Ra’tsy
tia ny paradisako Sy
tsy mitady izay hiadanako ?
Ahoana
no ahafantarako Fa
andry tsy ho voasolo Ra’aozongozona
ny tsarako, Tsy
tiana hitsangana daholo ?
Ahoana
no ahatsiarovako Fa
mbola harena sarobidy Ra’manda
‘zay mba tandrovako Sy
tsy mikendry hiray safidy .
Fredy JAOFERA |
NY
FOKO SY NY FONAO
Mazava tsy azo takonana, Tsy ravan’izay fialonana, Tsy taitran’izay maso vao Raha ny foko sy ny fonao.
Ny
Avo no efa nanambatra, Natao
hiaraka ho sambatra, Natao
hiaraka hiangola, Hitobaka
harena sy vola.
Ny
Anjara no efa nametra Hibaiko
ny zava-drehetra Ary
hitondra ity tany ity Haneho
ilay tena fitia.
Ny
Lahatra no efa voatendry Handrafitra
soratra hendry, Hampitombo
ireo voninahitra Hitsimoka
tahaka ny ahitra.
Ny
Vintana no efa voambara Hitetika
ny soa sy ny tsara, Hivatsy
izay hoe hafaliana, Notadiavina
sy mba nofidina.
Ny
taona no mbola hifanesy Hampiainga
mbola handresy; Fa
ny foko sy ny fonao Dia
najoro tsy hifandao. Fredy JAOFERA |
|
IZAHO
VE NO ADALA ? Izaho
ve no adala f’efa olona tsy tiana Dia
asainy mbola hotiavina Sa
iriny ny hampahosa sy ho feno fijaliana Hahazoany
izay tadiavina ?
Izaho
ve no adala f’efa andry tsy antenaina Dia
terena mbola hiankinana Sa
metimety aminy ny ananan-tebin-tsaina Sy
ny tsy hahazo fanambinana ?
Izaho
ve no adala f’efa aloka nandavo Dia
asainy mbola hiverenana Sa
mahasoa azy ny tsy ahafahako miravo Sy
ny hananam-panenenana ?
Izaho
ve no adala f’efa ratsy lavareny Dia
terena mbola harahiko Sa
ny hahapotika ahy no efa tiany ombieny Ka
hampahory ny fanahiko ?
Fredy JAOFERA |
AZONAO
ATAO
Azonao
atao ny tsy hitahiry intsony ‘Zay
efa alahelo tsy hita ho nitony; azonao
atao ny handrovitra ny sariko, ny
hamotika avy izay rehetra hariko; azonao
atao ny handoro diam-penina: irony
soratsoratro saika hoe nafenina; azonao
atao ny hanolo ny hirantsika, na
tiako loatra sy mbola tsy voadika. Azonao
atao !...
Fa
ny fitiavako ny teniko Sy
ny fitiavako ny reniko Ary
ny fitiavako ny taniko Ao
ambadiky ireo tomaniko No
harena sisa tafajanona, Miroborobo
sy mba vanona.
Fredy JAOFERA |
|
VAVAK’ILAY
POETY
Ataoko
ahoana moa, ry Ray, No
tsy hisaotra Anao indray Tamin’ireny
andro maro be Feno
tsiky vao mandeha ?
Ataoko
ahoana ny hanadino Ka
‘ty ny saiko re vimbino, Inty
ny foko re mba ento, Na
dia lavitry ny sento ?
‘Reny
oram-batravatra, toa
nikija sy nandratra, mbola
ataovy fifaliana tsy
hahitako fijaliana.
‘Reny
ora nampangidy, tsy
mba tery nasafidy, mbola
ataovy varavarana hahitako
fahasambarana.
Ry
Tompo ô !...Ongoty Ny
alahelon’ny kamboty Ka
enga anie ‘zay faniriana Ho
tanteraka mangina.
Ny
mahantra sy ny ory: Tsy
miadan-tsaina akory, Ka
tsinjovy lalandava Mbola
hahita ny mazava.
Andriamanitra
ô !Tahio Ny
fiainako eto anio, Ary
ho Anao anie ny Laza Sy
ny Dera izay sahaza.
AMENA
Fredy
JAOFERA |
NY
EO AMIN’I DADA SY NENY
Ny
eo amin’i Dada sy Neny Raha
lazalazaina ny habeny, Raha
fotopotorana ny lanjany Sy
resadresahana ny tanjany: Fianarana
ny soa sy ny tsara Hahamiratra
foana ny anjara.
Ny
eo amin’i Dada sy Neny Raha
tantaraina ny hareny, Raha
eritreretina ny vitany Sy
voavisavisa ny hitany: Mbola
hasambarana marina, Tsy
hain’ny na iza takarina.
Ny
eo amin’i Dada sy Neny Raha
averimberiko ombieny, Dinihina
ambony sy ambany Sy
hafatrafarako hatrany: Fiomanana
ny
ho avy rehetra Ho
lavitry ny sento sy tsetra.
Ka
na rahoviana miteny, Mbola
omeo haja izy ireny, Omeo
tambitamby mangina, Omeo
izay mety hafaliana, Isaory
ny Tompo isan’andro Fa
mbola mana-masoandro.
Ary
rehefa mba hary elatra, Nikopaka
sy toa nivelatra, Ka
nahazo ny toerana avo, Rehareha
mbola maharavo: Isaory
i Dada sy Neny, Tiavo
foana ombieny.
Fredy JAOFERA |
|
TAIZA
IANAO ?
Taiza ianao fony tsy nanan-kifikirana Ny saiko nisavoro ? Taiza ianao fony tsaroako nanahirana Ny aloka nijoro ?
Taiza ianao fony tsy nanan-kianteherana Ny foko manjoetra ? Taiza ianao fony nitombo sy tsy ferana Ny ora nampitsetra ?
Taiza ianao fony tsy nanan-kantenaina Ny
toky nifotorana ? Taiza
ianao fony saika very maina Ny
fenitra nizorana ?
Taiza
ianao fony tsy nanan-kitokisana Ny
raoziko nitia ? Taiza
ianao fony tsy nanam-pahamafisana Ny
heriko malia ?
Fredy JAOFERA |
REHEFA
NY MPITONDRA …
Rehefa ny mpitondra no mifikitra aok’izany Ny
seza be madera, Misy
antony ao aloha izay fantatrao ihany : Matahotra
hianjera ! Rehefa
ny mpitondra no tsy mahita intsony Ny
fijaliam-bahoaka, Dia
efa olon-kafa,mihevi-tena ho ambony, Mitady
basy hipoaka. Rehefa
ny mpitondra no manao didy jadona Ny
fahefana azony, Dia
efa fitondrana tsy manana ny gadona, Hiteraka
ny tazony. Rehefa
ny mpitondra no mila hampiasa hery Hanavotan-tena, Dia
manam-pahavoazana sy efa rako-pery Amin’ny
firenena.
Fredy JAOFERA |
|
MANJARY
FAHAZARAKO
Rehefa iny malahelo ka mitady hararirary, Efa
tonga fahazarako ny mijery foana sary : Ilay
sarinao tsy foiko nindramiko mangina Hamoha
indray hatrany ireo hany fifaliana.
Rehefa
iny ka maniry ho eo anilanao Kanefa
toa tsy afaka fa zary mitalaho; Efa
lasa fahazarako ny manoratra eto lava Anadinoana
kely izay mety tsy misava.
Rehefa
iny vizambizana kanefa lavi-tiana, Tsy
hitahita ihany izay mety mahaliana; Efa
tonga fahazarako mameno ora banga Amin-kalo
iray malaza tsaroako tena manga.
Rehefa
iny ka irery sy mila ho manimanina, Miova
sehatra avy,na hatramin’izay tazanina ; Manjary
fahazarako ny miandrandra ny Avo indrindra, Mbola
hivavakaho antsika hiadam-piainana mirindra.
Fredy
JAOFERA |
ANDRIAMANITRA
Andriamanitra
irery No
mahita ny ato am-poko, Ka
tsy nahay namery Raha
nisy aloka nisoko !
Andriamanitra
ihany No
mahita ny ato an-tsaiko, Ka
atokisako avy hatrany Rehefa
reraka ny aiko !
Andriamanitra
Tsitoha No
mibaiko itony fiainako, Ka
n’inona n’inona manjo, Mbola
Izy no hitarainako .
Andriamanitra
tsy foy No
Mpitarika ny làlako, Ka
na tsisy izay fivoy, Mbola
Izy no tsy halako.
Fredy JAOFERA |
|
IOMBONAKO
Iombonako aminao rehefa misy ny hafaliana Iainana isan’andro sy misosa moramora ; Iombonako aminao rehefa indro fitahiana No mandrakotra eny, na minitra na ho ora. Iombonako
aminao rehefa misy ireo tomany, Mipatrapatraka
sy lazaina toa tsy telina ; Iombonako
aminao rehefa indro fa ny tany Mitondra
fahoriana sy mila hanelingelina. Iombonako
aminao rehefa indro fa ny hafatra Mba
feno fahasambarana sy mody tena miafina; Iombonako
aminao rehefa indro tonga lafatra Ny
hita rehetra rehetra sy izay efa tarafina.
Fredy JAOFERA |
NY
HAVANA
Haingo
raha vory vahoaka, Fihambo
raha toa ka mahay, Mampiravo
fa tsisy mandroaka ‘Zany
havana mandrakizay.
Tsaroana
rehefa mba mifoha, Ra’ilaozana
maha-be alahelo, Mampitony
rehefa indro ny fo Manimanina
sy mamelovelo.
Raha
ory dia miaraka ory, Raha
faly dia miaraka faly; Ka
na aiza no mbola matory, Manarina
ny potraka omaly.
Mahatsiaro
ny kibo niraisana, Manaja
izay rà niombonana; Tsy
esoina na omena ny faisana Fa
vohaina hatreny an-tokonana.
Tsy
mihavana fa misy patsa Na
mitia fa manan-karena; Fa
dera tsy fantan’ny latsa Mandravona
ireo fahendrena. Fredy JAOFERA |
Eric RAKOTOMALALA 8, rue des Goncourts 75011 Paris tel: 01 43 38 98 09
