---

TAIZA IANAO ?

 

Taiza ianao fony tsy nanan-kifirana

Ny saiko nisavoro?

Taiza ianao fony tsaroako nanahirana

ny aloko nijoro ?

 

Taiza ianao fony tsy nanan-kianteherana

ny foko nanjoretra?

Taiza ianao fo nitombo sy tsy ferana

ny ora nampitsetra?

 

Taiza ianao fony tsy nanan-kantenaina

ny toky nifotorona?

taiza ianao fony saika very maina

ny fenitra nizorana?

 

Taiza ianao fony tsy nanan-kitokisana

ny raoziko nitia?

Taiza ianao fony tsy nanam-pahamafisana

ny heriko malia

 

 

Eric Fredy Rajaofera

18 juin 2001

8 rue des Goncourts

75011 Paris

France